Kapiteni i Kosovës, Amir Rrahmani së bashku me klubin e tij, Napolin janë zyrtarisht kampionë të Italisë në futboll.
33 vite pritje për Napolin dhe tifozët e tyre morën fund mbrëmë, 4 maj 2023. Ekipi i udhëhequr nga Spalletti është kampioni i ri i Italisë.
Amir Rrahmani ishte pjesë thelbësore e këtij suksesi të jashtëzakonshëm të napolitanëve.
Kësaj arritje të tij, iu gëzua edhe trajneri i parë i Rrahmanit, Avni Gashi i cili ia mësoi hapat e parë te Kosova e Prishtinës.
Gashi gëzimin e tij për futbollistin e shprehu nëpërmjet një reagimi në “Facebook”, derisa e ka uruar Rrahmanin për titullin kampion në Itali.
“Urime titulli kampion i Italis. Krenar e gjithë Kosova me ty”, ka shkruar Gashi, teksa ka kujtuar vizitën e tij dhe këshillat për futbollistët e rinj.
“Në vizitën qe naj bëri në shkollën e futbollit Kosova( P). Inkurajoj fëmijët që ti vijojn ushtrimet me rregull, gjithqka bëhet e mundur kur e don dhe vazhdon të besosh që mundësh dhe vazhdoj me fjalën për mua, që në kushte jo të mira për punë ushtrimet ku u zhvillojshin në vend jo adekuat për ushtrime, por me përkushtim me seriozitetin ma të madhë për punë, e ka bër ma të mirën për fëmijët”, ka shkruar Gashi.
Sipas Gashit gjërat tani janë rregulluar dhe e vetmja rregull për të arritur është të punohet me detyrat që jepen nga trajnerët.
Rrahmani gjatë këtij edicioni ka zhvilluar 25 ndeshje në 33 xhiro të luajtura, duke shënuar edhe dy gola dhe një asist.
Qendërmbrojtësi 29-vjeçar pritet të rinovojë kontratën me kampionin e Italisë tashmë, duke pasur gjithashtu edhe rritje të pagës