Prishtina ka qenë vetëm disa minuta larg një fitoreje tepër të rëndësishme, mirëpo këtë nuk ia lejoi sulmuesi Albion Rrahmani, i cili i siguroi një barazim në minutën e fundit skuadrës së tij.
Ballkani ka bërë një hap falls në rrugën për titull pasi nuk ka arritur më tepër se një barazim 1-1 në shtëpi, kundër Prishtinës.
Në një ndeshje me plot raste shënimi, në fundin e pjesës së parë, Shefiti i dha epërsinë skuadrës kryeqytetase dhe Prishtina shkoi në pushim me avantazh.
Epërsinë e krijuar arriti ta mbajë vetëm deri një minut para përfundimit të ndeshjes, pasi Albion Rrahmani shënoi nga një penallti në lëvizje për të barazuar gjithçka. Ky ishte goli i 20 i sulmuesit të Ballkanit këtë edicion në Superligë.
Suharekasit mbeten në pozitën e dytë me 63 pikë, 3 më pak se lideri Drita, ndërsa Prishtina renditet në vendin e 4 me 43.