Drita ka arritur fitore të mundimshme por tepër të rëndësishmme, në udhëtim si mysafir i Llapit me rezultatin e pastërt 0-2.
Në stadiumin “Zahir Pajaziti” në Podujevë, ‘intelektualët’ shënuan të dy golat në pjesën e dytë. Pjesa e parë, ndonëse të dyja skuadrat patën rastet e tyre, u veçua me penalltinë e humbur nga Festim Alidema në minutën e 19’, që ishte rasti më i mirë i vendësve.
Skuadrat shkuan në pushim me portat e paprekura dhe u desht minuta e 58’ me Blend Baftiun që morri një top nga mbrojtësi Ilir Blakçori për ta çuar në rrjetë, duke i dhënë epërsinë Dritës.
Në vazhdim, skuadra e Tahir Batatinës u hodh në sulm për të barazuar rezultatin, ndërsa Drita menaxhoi avantazhin e krijuar. Në minutën e 3-të shtesë Ardit Tahiri pas një veprimi individual asiston për Oëukan realizon për 2-0 dhe rezultatin final të ndeshjes.
Drita mbetet lider pas 32 xhirove me 66 pikë, e ndjekur nga Ballkani në pozitën e dytë me 63, ndërsa Llapi e sheh vetën në pozitën e 6 me 41 pikë, aqsa ka edhe Dukagjini një vend më lart.
