Shefi i Stafit në Kabinetin e Presidentes të Republikës së Kosovës, Blerim Vela, ka thënë se Policia e Serbisë i ka ndaluar dhe intervistuar dy pjesëtarë të Policisë së Kosovës, javën e kaluar, të cilët po kalonin transit në kufi.
Sipas Velës, kjo është dëshmi e veprimeve të paligjshme të Serbisë.
“Javën e kaluar, policia e Serbisë dhe BIA ndaluan/intervistuan dy pjesëtarë të Policisë së Kosovës në kufi, teksa po kalonin transit. Kjo është dëshmi e veprimeve të paligjshme të Serbisë që pengojnë lirinë e lëvizjes”, ka shkruar Vela në një postim në Twitter.
Ai ka shkruar, se Serbia në vend që t’i bashkojë forcat me Kosovën për të luftuar krimin ndërkufitar, ajo po e bën të kundërtën.
“Në vend që të bashkojë forcat me Kosovën për të luftuar krimin ndërkufitar, Serbia e bën të kundërtën!”. /teve1.info/
Last week, Serbia’s police & BIA stopped/interviewed 2 Kosovo
Police officers at the border as they were transiting.This is evidence of SRB’s illegal actions that hinders freedom of movement.
Instead of joining forces with 🇽🇰 to fight cross-border crime, SRB does the opposite!
— Blerim Vela (@Blerim_Vela) May 1, 2023
