Presidentja e Kosovës, Vjosa Osmani, është takuar me sekretarin e Përgjithshëm të Organizatës Botërore të Doganave, Kunio Mikuriya.
Në këtë takim Osmani ka theksuar se Kosova është e përkushtuar të punojë ngushtë me OBD.
Në njoftimin nga Zyra e Presidencës thuhet se Osmani ka thënë se Kosova është e gatshme të bashkëpunojë me tej me WCO në arritje të standardeve më të larta ndërkombëtare në operacionet e saj doganore, shkruan teve1.info.
“Presidentja Osmani tha se Kosova është e gatshme të bashkëpunojë më tej me WCO në arritjen e standardeve më të larta ndërkombëtare në operacionet e saj doganore, duke përfshirë ngritjen e kapaciteteve të zyrtarëve të saj doganor dhe përdorimin e teknologjisë”, thuhet në njoftim.
Kosova, sipas Presidentes Osmani ka arritur ta rrisë mbledhjen e të hyrave tatimore dhe doganore, teksa agjencitë e rendit, përfshirë Doganën e Kosovës, kanë kryer me sukses operacione të mëdha kundër kontrabandës në të gjithë territorin e shtetit.
“Në takim me Sekretarin e Përgjithshëm i Organizatës Botërore të Doganave, Presidentja Osmani ka theksuar se Kosova mbetet e përkushtuar për t’u bërë kampion rajonal për sundimin e ligjit dhe ka përmendur se po zbatohen reformat që rrjedhin nga direktivat përkatëse të BE-së}”, thuhet mes tjerash në njoftim. /teve1.info/
