Policia e Kosovës ka bërë të ditur se ka lejuar kalimin transit të një klubi të boksierëve nga Novi Pazari për të shkuar në Maqedoni të Veriut.
Lidhur me këtë rast PK ka marrë parasysh se personat në fjalë i kanë plotësuar kushtet me dokumentacion për kalim të kufirit shtetëror, të cilët kanë qenë të ftuar për garën sportive të boksit.
Në njoftimin e Policisë thuhet se autoritet kompetente të RKS-së, pas shqyrtimit dhe trajtimit të lëvizjes transite përmes Kosovës drejt Maqedonisë së Veriut, të njëjtëve u kanë mundësuar qarkullimin trans.
“Sot, në pikën kufitare në Bërnjak, është paraqitur një klub i boksierëve nga Novi Pazari, të cilët me mjetin e tyre kombi bus kanë kërkuar të kalojnë transit përmes Republikës së Kosovës (RKS), për të marrë pjesë në turneun regjional në Maqedoni të Veriut, duke marrë parasysh se personat në fjalë i kanë plotësuar kushtet (me dokumentacion)për kalim të kufirit shtetëror, nga të cilët kanë qenë të ftuar për garën sportive të boksit”, thuhet në njoftim. /teve1.info/
