Ministrja e Ekonomisë, Artane Rizvanolli i ka reaguar deputetes së LDK-së, Hykmete Bajramit, e cila kritikojë punësimin e drejtorit të KEK-ut, Nagip Krasniqi.
Rizvanolli tha se Krasniqi është punësuar me konkurs të hapur dhe është vlerësuar më pikët më të larta.
“Nëse nuk dëshironi më ju quajt gënjeshtare atëherë mos gënjeni. Konkursi mbas të cilit është emëruar Krasniqi ka qenë konkurs i hapur. Bordi e ka vlerësuar më së shumti pikë, ku në proces të rekrutimit ka qenë e përfshirë edhe kompania BDO e angazhuar nga ambasada britanike të cilët e kanë vlerësuar këtë kandidat më pikët më të larta dhe të vetmin të emrushëm. Pas kësaj është emëruar Krasniqi si kryeshef”, tha ajo në Kuvend në seancën e jashtëzakonshme për arrestimin e drejtorit të KEK-ut
Ajo tha opozita arrestimin e Krasniqit po e përdorni për ta luftuar Qeverinë.
“Unë nuk jam këtu për të mbrojtur as për të akuzuar askënd dhe sugjerojë se edhe ju deputet ta bëni të njëjtën. Është gjyqësori ai që i vlerëson faktet, që i sheh dosjet. Ne do ta luftojmë tentimin tuaj që arrestimin e z. Krasniqi ta shndërroni në një kauzë për ta luftuar Qeverinë, siç kemi parë me raste të tjera në të kaluarën në lidhje me energjinë. Keni shpresuar se do të këtë edhe më shumë rritje të çmimit të energjisë, keni shpresuar se do të këtë reduktime, po ashtu keni shpresuar se kriza do të jetë edhe më e vështirë dhe kjo nuk ka ndodhur. Keni bërë një komisioni hetimor për menaxhimin e krizës, në të cilin nuk keni gjetur asgjë dhe tani kjo është çështja e radhës që doni ta trajtoni një Kuvend, ku edhe nuk e ka vendin”.
