Kryetari i Aleancës për Ardhmërinë e Kosovës, Ramush Haradinaj ka thënë se kryeministri Albin Kurti është shefi i të korruptuarve.
Ai në seancën e jashtëzakonshme të Kuvendit të Kosovës, ku po diskutohet për arrestimin e drejtori të KEK-ut, Nagip Krasniqi për keqpërdorim të detyrës zyrtare, tha se Kurti ka emëruar dostat në të gjitha ndërmarrjet publike.
“Kuptone pse kryeministri del në foltore e mbron dostin dhe jo prokurorin. Albin Kurti është shefi i të korruptuarve ” ka thënë ai.
Haradinaj tha se modeli i korrupsionit që po aplikon Vetëvendosje është i rrezikshëm dhe quhet “lidhje e shkurt korruptive”.
“VV ka apliku një model korruptiv të lidhjeve të shkurta, i cili si model i del nga kontralla edhe vendimmarrësve në VV. Po flasim për një model të veçantë. Pra modeli i korrupsionit i VV-së quhet lidhje e shkurt korruptive”, tha ai.