Shefja e deputetëve të VV-së, Mimoza Kusari-Lila, ka kërkuar nga opozita që ta përkrah një rezolutë që ish-kryeshefi i KEK-ut, Nagip Krasniqi të sillet në Kuvend për t’u marrë në pyetje.
Këto komente ajo i bëri në seancë e jashtëzakonshme të thirrur nga opozita pas arrestimit të Krasniqit, i dyshuar për keqpërdorime në KEK.
“ Opozita është duke u munduar që të përdore mekanizimin, i cili ende është në ndikimin e tyre, atë të prokurorisë duke e kthyer sallën e Kuvendit në gjykatore. Për të realizuar këtë skenar deri në fund unë i propozojë që të bëjnë edhe një mocion sot dhe nga qendra e paraburgimit ku është duke u mbajtur z. Nagip Krasniqi të sillet këtu në sallën e Kuvendit, ashtu duarlidhur siç e nxorën nga gjykata dhe të debatohet me të”, shkruan teve1.info
Sipas Kusari-Lilës, opozita nëse do të ishte e sigurt që prokuroria ka prova, nuk do ta thërriste një seancë të tillë.
“Sikur të ishim të bindur se prokuroria e ka të bazuar në fakte akuzën ndaj drejtor tashmë të pezulluar të drejtorit të KEK-ut, ju nuk do të insistonit për këtë seancë”, ka shtuar tutje.
”Por ju nuk mjaftoheni me kaq, meqë dëshironi të merrni meritat për këtë në Kuvendin e Kosovës para qytetarëve. Kjo është një shkarje frojdjane që iu shpërfaq juve me qëllimet dhe synimet që i keni me mandatet e marra, e kundërta me përgjegjësinë e deputetëve që përshkruhet në Kushtetutë”, është shprehur tutje Kusari-Lila.
