Profesori universitar, Arben Fetoshi tha se ajo që Serbisë i ka interesuar sot, është që ta rikonfirmojë Listen Serbe si subjektin më të fuqishëm përfaqësues të qytetarëve serb në Kosovë.
Kjo sipas Fetoshit edhe u dëshmua me bojkotin që sot qytetarët serb ja bënë zgjedhjeve në komunat veriore.
“Serbisë i ka interesu që të rikonfirmojë Listen Serbe si subjektin më të fuqishëm përfaqësues të qytetarëve serb në Kosovë dhe kjo u dëshmua sot. Unë mendoj që do të doja të jem gabim, por mendoj që ka një kalkulim ndoshta edhe jam i bindur që Qeveria e jonë e din që duke pasur parasyshë ambiciet e Serbisë ne po shkojmë në këtë drejtim. Ndonëse më kujtohet 2013-ta kur çështja e integrimit në institucionet e Kosovës për pakicën serbe në veri ka qenë çështje e Brukselit dhe unë jam i bindur që Qeveria jonë do të duhet ta trajtonte këtë çështje në pikëpamje të shantazhit, presionit, dhe dhunës mbi qytetarët serb”, tha ai.
Teksa theksoi se zgjedhjet e sotme nuk janë zgjedhje dhe se asnjë kandidat i shpallur fitues sipas tij, nuk mund të ndihet fitues nga një ditë të cilën ai e quajti si improvizim të demokracisë.
“Nuk janë zgjedhje këto duhet të jemi realist. unë jam i bindur që edhe ata kandidat qoftë të VV-së, qoftë të PDK-së, natyrisht që nuk mund të ndihen mirë dhe nuk mund ta ndjejnë veten fitues nga një ditë të tillë improvizimi të demokracisë në katër komunat veriore të vendit”, shtoi ai./teve1.info./