Kryeredaktori i Tëvë1, Zijadin Gashi procesin e sotëm zgjedhor në komunat veriore e ka cilësuar si improvizim i një dite të zgjedhjeve.
Kjo sepse sipas tij, procesi zgjedhor është mbajtur me Polici, në kontejnerë dhe në zona që kanë të bëjnë me sigurinë e jo me demokracinë.
“Ishte një improvizim faktikisht i një dite të zgjedhjeve, qe zgjedhje me polici, zgjedhje në kontejnerë, zgjedhje në zona që kanë të bëjnë me sigurinë dhe jo me demokracinë dmth ishte gjithçka një improvizim. Por çka është më e keqja një koment para se të hyjë në atë… sikur e kishim një pajtim të Qeverisë së Kosovës, edhe me përqindjen edhe me këtë rezultat duke shpresu se do të prodhojnë dmth efekte”, tha ai.
Tutje Gashi e vlerësoi procesin e sotëm zgjedhor në tri nivele, në atë të sigurisë, legjitimitetit dhe inagurimit apo nisjes së punës së kryetarëve të ri në institucionet komunale.
“Ajo çka pason, vet organizimi i zgjedhjeve e kam pa në tri nivele nëse mund ta them ashtu të vlerësimit. Ishte siguria jo rezultati që të mos prodhojë një eskalim të gjendjes, e dyta është ajo që pason prej nesër e tutje është legjitimiteti sepse janë mbajtur zgjedhjet dhe duhet të ketë një vlerësim dhe duhet të ketë një shpallje eventuale të rezultatit, pasiqë si zgjedhje ato janë zgjedhje legale të ligjshme, kurse legjitimiteti i tyre mund të kontestohet për shkak të përqindjes së ulët. Kjo është ajo që i rrezikon. Dhe e treta që unë e shoh në këtë nivelin e tretë, është inagurimi apo nisja e punës si do të niset puna në këto institucione komunale, si do të merr pushtetin një kryetar i ri i një komune që ka 1.6 për qind”, tha Gashi./teve1.info./
