Kandidati i Partisë Demokratike të Kosovës për Komunën e Zubin Potokut, Izmir Zeqiri i cili sipas rezultateve preliminare është shpallur fitues, ka thënë se do të jetë kryetar i të gjithë qytetarëve pa dallim.
Ai në një deklarim për media pas numërimit të votave në qendrat e votimit në këtë komunë, ka thënë kanë kapacitete për të formuar kabinetin e kryetarin edhe pse do të ketë sfida.
“Presim të ketë vështirësi për shkak të këtyre bojkoteve, që është pak irrituese që po i bëhet shtetit të Kosovës. Besoj që kemi kapacitete të mjaftueshme për të funksionuar dhe do të funksionojmë siç është më së mirë. Presim procedurat për tu konsoliduar dhe nuk besoj që do të kemi probleme”, ka thënë ai,përcjell teve1.info.
Zeqiri ka thënë se është i hapur për bashkëpunim edhe me qytetarët serbë nëse duan të punojë për të mirën e së cilit.
Ai po ashtu ka thënë se beson se do të ketë bashkëpunim të mirë edhe me dy partitë shqiptare, LVV dhe LDK.
Zeqiri ka marrë 196 vota,teksa kundërkandidati i tij nga Lëvizja Vetëvendosje, Flatron Hasani ka marrë 180 vota. Kurse, 9 janë shpallur të pavlefshme. Dalja e qytetarëve në Zubin Potok ka qenë 385 votues apo 5.78 %
