Ballkani ka rimarrë sërish kreun e Superligës, pasi në Suharekë e mposhti me rezultat të thellë prej 7;0 Trepçën ’89, në kuadër të xhiros së 30 të Superligës.
Albin Berisha dhe Albion Rrahmani nga dy gola, Dellova, Kuc dhe Harmon nga një gol ishin realizatorët në fitoren e thellë të portokallezinjëve. Ballkani ka tani 61 pikë në vendin e parë, derisa Trepça ’89 bie në vendin e tetë me 33 pikë.
Fitore ka marrë edhe Gjilani por minimalisht ndaj Drenicës në stadiumin sintetik në Gjilan. Kuqebardhët fituan me golin e Baton Zabërgjës dhe pas kësaj fitore kanë 46 pikë, pesë me shumë se përcjellësi Prishtina që zë vendin e katërt, derisa Drenica zë vendin e fundit me 23 pikë.
Ndërkaq e barabartë është mbyllur sfida mes Llapit dhe Dukagjinit e zhvilluarë në “Zahir Pajaziti”. Ndeshja që i takoi xhiros së 30 u mbyll me rezultat 1:1. Arbër Shala për Dukagjinin dhe Festim Alidema për Llapin ishin realizatorët e këtij barazimi. Si Dukagjini ashtu edhe Llapi ndajnë pozitat 5 dhe 6 me nga 40 pikë.