Në një qendër votimi në Zveçan, e vendosur në një skaj të rrugës e cila çon për në Leposaviq, janë ndezur disa gjeneratorë.
Sipas gazetarit Arton Rama, zyrtarët e KQZ-së i kanë thënë se kjo është bërë në pamundësi që kontejneri të lidhet me energji elektrike.
“Zyrtarët e KQZ-së kanë thënë se gjeneratorët po iu shërbejnë për ndriçim të brendshëm brenda qendrës së votimit dhe po ashtu për instalim të kamerave të sigurisë që janë të vendosura në pjesë të ndryshme në afërsi të këtij kontejneri”, ka thënë Rama.
Sipas tij nga 702 qytetarë më të drejtë vote në atë qendër të votimit, deri në ora 09:20 nuk ka dalë për të votuar asnjë qytetar.
Përderisa siguria sipas tij është e qetë.
“Përreth qendrës janë duke qëndruar të stacionuar ekipe të mëdha të policisë dhe vazhdimisht po ka patrullime të ekipeve të KFOR-it dhe EULEX-it”, ka thënë Rama në një lidhje direkte.
Në Zveçan janë 6 mijë e 998 votues. Kandidatë janë Ilir Peci nga PDK, Sllagjana Pantoviq, kandidate e pavarur dhe Fetah Peci nga LVV.
