Raportuesi për Kosovën sa i përket çështjes së liberalizimit të vizave e ka quajtur kusht të shtuar të panevojshëm, atë që udhëtimi pa viza të lidhet me funksionalizimin e sistemit ETIAS.
“Të jem shumë i sinqertë, tani që u nënshkrua marrëveshja mund të them se nuk isha shumë i lumtur me kushtin e ri që u ngrit në fazat e fundit të negociatave. Për mua ishte po ashtu një surprizë që kjo u vendos aq fortë, por kjo ndodhi dhe unë jam shumë i kënaqur që ne arritëm të dakordohemi edhe me Këshillin që të paktën kemi një datë, atë të 1 janarit 2024”, ka deklaruar Reuten
Reuten ka thënë se edhe nëse ETIAS-i është gati më herët, liberalizimi nuk pritet të nisë para 1 janarit 2024
“Unë pajtohem me juve që nuk duket se ETIAS do të jetë gati dhe kushti nëse ETIAS-i është gati që të mund të nisim më herët me gjasë nuk do të përdoret. Për atë ishte shumë e rëndësishme për mua dhe Parlamentin të kemi një datë të fundit, pra atë të janarit 2024. Me gjasë duhet ta presim për atë ditë. Për mua ishte surprizë, kusht i shtuar i panevojshëm”, iu përgjigj Reuten gazetare Gjeraqina Tuhina.
