Raportuesi për Kosovën për çështjen e liberalizimit të vizave, Thijs Reuten, pas nënshkrimit të aktit ligjor, hapit të fundit në procesin e liberalizimit të vizave, ka thënë se jo më larg se 1 janar 2024 qytetarët e Kosovës do të mund të udhëtojnë për në BE.
“Më në fund udhëtimi në BE për pushime, arsye biznesi, vizita familjare, do të jetë shumë më e lehtë. Jo më larg se 1 janar 2024, qytetarët e Kosovës që kanë pasaporta do t’iu mundëohet të udhëtojnë për në BE pa viza dhe dëshiroj të falënderoj zonjën Tanja Fajon, ajo hodhi bazën për punën tonë të sukseshme në muajt e fundit dhe raportuesit nga grupet e ndryshme të parlamentit për bashkëpunimin për këtë çështje”, ka thënë Reuten, përcjell teve1.info.
Reuten e ka quajtur të padrejtë dhe të pajustifikueshme vonesën e këtij procesi.
“Fakti që qytetarët e të gjitha vendeve fqinje kishin mundësi të udhëtonin pa viza në BE përveç Kosovës, ishte e padrejtë dhe e pajustifikueshme”.
“Kosova ka punuar shumë që t’i përmbushë kriteret dhe më në fund u shpërblye për këtë”.
Sipas tij ky vendim është i një rëndësie të madhe për rajonin e BE-në.
“Kjo është nuk është vetëm e rëndësisë së madhe për Kosovën, por është edhe e rëndësishme për ne sepse BE më në fund përmbush premtimin e tij për Kosovën, e rëndësishme për rajonin sepse tani mund të hapim kapitull të ri. Integrimi evropian për të gjitha vendet e Evropës Juglinore është garancia e vetme që reformat dhe stabiliteti në rajon do të vazhdojnë të rriten”, ka deklaruar Reuten, transmeton teve1.info.
