Njohësi i Politikës së Jashtme të BE-së, Toby Vogel i ka reaguar ambasadorit të ShBA-së në Serbi, Christopher Hill i cili sot tha se nuk do të ketë dorëzim deri sa të formohet Asociacioni.
“E kuptoj pse mu drejtuat me atë pyetje, sepse edhe unë e bëj të njëjtën. Këtë javë bëhen 10 vjet prej nënshkrimit të Marrëveshjes së Brukselit, dhe është koha që të formohet Asociacioni. Ajo se çfarë mund t’ju garantoj është që nuk do të dorëzohemi derisa të ndodhë”, u ka thënë Hill sot gazetarëve.
E Vogel përmes një tweet i bëri një pyetje Hillit. Ai e pyeti ambasadorin amerikan se pse nuk po i përmend detyrimet e Serbisë.
“Nuk jam ekspert, por pse ambasadori i SHBA-së në Serbi vazhdon të theksojë detyrimet e Kosovës sipas marrëveshjes së ndërmjetësuar nga BE-ja dhe jo të Serbisë?”, ka pyetur Vogel.
Not an expert but why does the US ambassador to Serbia keep highlighting Kosovo’s obligations under the EU-brokered agreement rather than Serbia’s? https://t.co/jvfZN7fii5
— Toby Vogel (@tobyvogel) April 18, 2023
