Ministri i Financave Hekuran Murati ka thënë se qytetarët e Kosovës po vazhdojnë të paguajnë më shtrenjtë se që duhet për vaj, miell e buk për shkak se sipas tij, LDK e dërgoi në Gjykatë Kushtetuese Ligjin për çmimet tavan.
Murati madje tha se çmimi i furnizimit nga importi për vaj ushqimor ka rënë në 1.05 euro/litër, kurse çmimi i furnizimit nga importi për grurë ka rënë në 0.24 euro/kg.
“Çmimi i furnizimit nga importi për vaj ushqimor ka rënë në 1.05 euro/litër. Çmimi i furnizimit nga importi për grurë ka rënë në 0.24 euro/kg. Ligjin për çmimet tavan, LDK e dërgoi në Gjykatë Kushtetuese. Prandaj qytetarët vazhdojnë të paguajnë më shtrenjtë se që do duhej për vaj, miell e bukë”, ka shkruar ai.
Ndryshe Lidhja Demokratike e Kosovës e ka dorëzuar në Kushtetuese Ligjin për caktimin e çmimeve tavan.
Këtë dorëzim e kanë bërë deputetët e LDK-së, Besian Mustafa dhe Driton Selmanaj, ku ky i fundit tha se ky Ligj në tërësinë e vet është anti-kushtetues./teve1.info./
