Kryeministrja e Serbisë, Ana Bërnabiq, i është përgjigjur kryeministrit Kurti, i cili shkroi se dy vitet e fundit u kaluan duke negociuar për një marrëveshje ligjërisht të detyrueshme ndërmjet Kosovës dhe Serbisë dhe tutje kërkoi të zbatohet plotësisht dhe pa vonesa marrëveshja e fundit.
Bërnabiq ka shkruar se Serbia ka pritur për një dekadë të tërë zbatimin e Marrëveshjes së Brukselit të 2013, më konkretisht formimin e Asociacionit të Komunave me shumicë serbe.
“Për tre ditë, më 19 prill, bëhen saktësisht 10 vjet, një dekadë e tërë, nga nënshkrimi i Marrëveshjes së Brukselit. Ne kemi pritur 10 vjet që Prishtina të bëjë punën e saj, 10 vjet që Asociacioni i Komunave me shumicë serbe të formohet. Bëje atë”, ka shkruar Bërnabiq në Twitter.
In 3 days, on 19 April, it will be exactly 10 yrs, a whole decade, since the Brussels Agreements was signed. We’ve been waiting for 10 yrs for Priština to do its part of the work, 10 yrs for the Community of Serb Municipalities to be established. Do it. @eu_eeas @MiroslavLajcak https://t.co/uhc1mZKtH5
— Ana Brnabic (@anabrnabic) April 16, 2023
