Sulmuesi i Lazio, Ciro Immobile është aksidentuar në trafik. Sipas raportimit të ‘Corriere dello Sport’, sulmuesi i Lazios ka qenë duke kaluar në Ponte Matteotti dhe është përplasur me tramvaj.
Në aksident janë përfshirë edhe persona të tjerë, ku disa nga të plagosurit janë transportuar me autoambulancë.
Në videot e publikuara, Immobile shihet duke rrëfyer atë që ndodhi: “Tramvaji kaloi në semafor të kuq. Për fat ndihem mirë, vetëm më dhemb krahu”.
Immobile po e çonte familjen në një festë. Sipas asaj që raportohet në Itali, ishte tramvaji që nuk respektoi dritën e kuqe. Një person mbeti i lënduar rëndë nga ky aksident dhe po trajtohet në spital.
Nga ana tjetër, Immobile u interesua edhe për personin që u shoqërua për në spital duke kërkuar informaione të mëtejshme rreth gjendjes së tij në mënyrë që t’i qëndroj pranë në rast nevoje. Këtë sezon të Serie A, Immobile ka shënuar 10 gola me fanellën e Lazios duke e ndihmuar skuadrën të renditet aktualisht në vendin e dytë të kampionatit.