Ministria e Shëndetësisë dhe Shërbimi Spitalor Klinik Universitar i Kosovës nënshkruan Memornadumin e bashkëpunimit me Qendrën “Prinses Máxima” dhe “World Child Cancer-NL” të Utrecht, Holandë.
Sipas njoftimit kjo marrëveshje ka për synim partneritetin ndërmjet palëve, optimizimin e kujdesit mjekësor për fëmijët me sëmundje malinje që trajtohen në Qendrën Klinike Universitare të Kosovës, në mënyrë që të rritet shkalla e mbijetesës për këta pacientë dhe të përmirësohet kujdesi për ta.
“Memorandumi do të ndikojë drejtpërdrejt në trajnimin, edukimin dhe këshillimin e mjekëve, infermierëve, teknikëve, hulumtuesve dhe profesionistëve të tjerë të Qendrës Klinike Universitare të Kosovës në fushën e shërbimeve onkologjike për fëmijë”, thuhet në njoftim.
Kurse bëhet e ditur se marrëveshja u nënshkrua nga Ministri i Shëndetësisë Arben Vitia, U.D. drejtoresha e SHSKUK-, Narqize Arënliu Hoxhaj, Ferry van Schoonhoven, Kryetar i “Princess Máxima” për onkologji pediatrike dhe Gita Gallé, COO dhe CFO./teve1.info./
