Ish-drejtori i Policisë së Kosovës, ka akuzuar ministrin e Punëve të Brendshme, Xhelal Sveçla për presion ndaj pjesëtarëve të Policisë së Kosovës.
Ai ka thënë se Sveçla ka krijuar dy dhoma pune në kampin e Njësisë Speciale në jug të Mitrovicës.
Qalaj në emisioni “InfoNata në Tëvë 1, ka thënë se njëra dhomë është bërë ministrin e tjetra për kryeministrin Kurti.
Sipas tij, kjo është bërë që në rast të ndonjë konflikti të menaxhohet nga aty por siç thotë ai kjo nuk ka kuptim.
“Ministri ka ndërtuar dy dhoma, d.m.th e ka bërë një mini-kapm në kampin e Policisë Speciale, në kampin në Belvedere në jug të Mitrovicës. I ka bërë dy dhoma pune njërën për vete dhe njërën për kryeministrin në raste të konflikteve që të menaxhohet nga aty, që është non-sens”, ka thënë ai.
Ish-drejtori i PK-së ka komentuar edhe situatën e 10 prillit ku një qytetar serb është plagosur nga një polic.
Por, rasti i cili u mohua fillimisht nga policia Qalaj thotë se është hera e parë që ndodhë një gjë e tillë.
Ai ka thënë se ky rast i ka shkaktuar dëme Policisë dhe shtetit të Kosovës.
“Është hera parë që Policia ka dhënë një lajm dhe më pas doli që nuk është i vërtetë. Ka dalë që i tër menaxhemnti i PK-së është futur në lajthitje nga policët që kanë qenë në atë pikë kontrolli… Ky kaos e ka dëmtuar Policinë dhe shtetin e Kosovës”, ka thënë Qalaj.
Për këtë rast janë arrestuar katër zyrtarë të PK-së./teve1.info/
