Në një banesë në Prishtinë policia e Kosovës ka gjetur dhe sekuestruar afër 18 kilogramë lëndë të dyshuara narkotike të llojeve të ndryshme, raporton teve1.info
Sipas komunikatës së Policisë, lidhur me këtë rast është arrestuar L. M., (1997) mashkull me shtetësi të Kosovës derisa ndaj tij është iniciuar rasti “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
I dyshuari pas intervistimit është dërguar në mbajtje deri në 48 orë.
“Hetuesit policorë të Drejtorisë për Hetimin e Trafikimit me Narkotikë, në vazhdën e trajtimit të një rasti, kanë siguruar nga organet e drejtësisë leje për kontrollin e banesës së një të dyshuari.
Dje, më 12.04.2023, në prezencë të dëshmitarëve, është kontrolluar një banesë në një lagje të Prishtinës dhe gjatë kontrollit janë gjetur dhe janë konfiskuar si prova materiale:
• 37 paketime me substancë që dyshohet të jetë marihuanë me peshë 3 kg,
• një kavanoz i mbushur me substancë dyshohet me marihuanë me peshë 1 kg e 493.6 gr,
• një qese me substancë që dyshohet të jetë e llojit kokainë me peshë 10.5 gr,
• 8 qese dhe një kavanoz me kërpudha, dyshohet të jenë narkotikë me peshë 1 kg e 235 gr,
• 2 qese të mbushura me substancë, dyshohet të jetë heroinë me peshë 755.3 gr,
• një sasi pilula, dyshohet të jenë ekstazi me peshë 755.3 gr. dhe dëshmi tjera relevante për rastin”, thuhet në komunikatë.
