Sipas Demhasajt, ndër gabimet më të mëdha që ka bërë Gërvalla është ndërrimi i flamurit të një shteti me një shtet tjetër.
“Nëse flasim për gabimet që i ka bërë ministrja e Punëve të Jashtme Gërvalla vazhdimisht, pra kemi pasë aso gabime që ngatërrohet flamuri i një shteti me një shtet tjetër, mendoj që ky është gabim shumë i madh, madje ky është një skandal, fatmirësisht që shtetet që ne i kemi ndërru flamurat nuk kanë reaguar, se përndryshe kanë mundur me pas reagim, kanë mundur me dërgu ndonjë notë verbale sepse janë gabime të mëdhaja”, tha ai.
I ftuar në “Këndi i Debatit” në Tëvë 1, analisti Demhasaj tha se si masë ndëshkuese ndaj Gërvallës duhet të jetë edhe shkarkimi.
“Në momentin kur gabimet e tilla vazhdojnë, nuk duhet ta lëmë që kjo të vie vetëm falë aktit moral të atij që ka bërë gabimin me jep dorëheqje, por mendoj që duhet të ketë masa ndëshkuese, që në këtë rast kryeministri duhet me marr masa ndëshkuese ndaj tyre, e që mendoj se masa ndëshkuese duhet të jetë edhe shkarkimi. Pra, nëse e shohim ministren e Jashtme që vazhdimisht bën gabime të tilla skandaloze, mendoj se është dashtë me marr masa”, shtoi Demhasaj. /Teve1.info/
