Shumica e vrasjeve në Kosovë janë bërë nga shërbimet sekrete serbe. Deklaroi kështu, ish-ushtari i Ushtrisë Çlirimtare të Kosovës nga Mallakastra, Meçan Zotaj.
Andaj, Zotaj thotë që në vend se të zbardhen këto vrasje, partitë politike kanë fajësuar njëra tjetrën, e njëherit kanë fituar vota duka luajtur viktimën, përcjell teve1.info.
“Në Kosovë janë bërë vrasje politike. Ne kemi përcjellë dhe dëgjuar lajme të tilla. Mirëpo, vrasjet nuk kanë autor të dëshmuar, vrasjet 99 përqind duhet të jenë nga shërbimet sekrete serbe për të krijuar përçarje. Pra, unë besoj që shumica e vrasjeve në Kosovë janë bërë nga shërbimet sekrete serbe, të cilat nuk është hera e parë që shqiptarët e Kosovës ballafaqohen, ata kanë vrarë shqiptar në Gjermani dhe vende tjera. Duhet të zbardhen vrasjet, sidomos vrasjet e personave politikë, vrasjet e pasluftës, por jo duke hamendësuar dhe jo duke u hakmarrë politikisht, duke përfituar, duke luajtur viktimën e duke fajësuar partitë tjera. Ne shpesh herë kemi parë që partitë janë munduar të fitojnë votat duke luajtur viktimën”, potencoi Zotaj në emisionin “Infonata” në Tëvë1.
Po ashtu, Zotaj tha se beson fuqishëm që të gjitha vrasjet janë bërë për të përçarë shqiptarët nga shërbimet inteligjente serbe.
Ndërkaq,sa i përket gjykimit në Hagë të ish-krerëve të UÇK-së, Zotaj tha se uron dhe shpreson që të gjithë ata të dalin faqebardhë nga ky gjykim./teve1.info/.
