Kryetari i Prishtinës, Përparim Rama, ka bërë të ditur se si pasojë e motit të keq dhe erërave të forta është bllokuar rruga për qarkullim te “Parku i Qytetit”, raporton tevfe1.info.
Rama ka bërë lutje ndaj qytetarëve që të mos i frekuentojnë këto rrugë dhe posaçërisht parqet e qytetit për shkak të rrezikut nga drunjtë e rrëzuar.
I pari i kryeqytetit ka njoftuar se Drejtoria për Siguri dhe Emergjenca janë në terren në koordinim me NPL “Hortikultura”, njësitin e zjarrfikësve dhe Policinë e Kosovës.
“Si pasojë e motit të keq të përcjellur me erëra të forta gjatë natës së mbrëmshme dhe reshjeve të mëdha të shiut dhe borës kemi pasur rrëzim të lisave në disa lokacione në Kryeqytet, kryesisht në Parkun e Qytetit, Parkun e Taukbahqes, në rrugët “Perandori Justinian”, “Agim Ramadani”, dhe rrugën Germi-Butovc”, ka shkruar Rama në Facebook. /teve1.info/
https://teve1.info/lajmet/lisi-bie-ne-rruge-bllokon-qarkullimin-afer-parkut-ne-kryeqytet/
