Një fëmijë ka humbur jetën pasditen e së dielës në fshatin Treboviq të Pejës, raporton teve1.info.
Fëmija dyshohet se ka rënë nga ballkoni i një shtëpie, ku me nënën e tij kishin shkuar si mysafirë.
Lajmin për teve1.info e ka konfirmuar zëdhënësi i Policisë për Rajonin e Pejës, Driton Rugova, i cili ka bërë të ditur se fëmija ishte dërguar në Spitalin Rajonal në Pejë, mirëpo sipas ekipit mjekësor fëmija kishte mbërritur pa shenja jete.
Rugova ka njoftuar se njësitë relevante kanë dalë në vendin e ngjarjes dhe pas konsultimit me prokurorin e shtetit, trupi i pajetë i është kthyer familjarëve.
Ky rast në Policinë e Kosovës po hetohet si vdekje e dyshimtë.
“Me datë 02.04.2023, rreth orës 15:30, Policia është informuar ne në fshatin Treboviq- Pejë, ka ndodhur një incident, ku një fëmijë ka rënë nga ballkoni i një shtëpie tek të cilët së bashku me nënën e tij kishin shkuar si mysafir. Fëmija është dërguar në Spitalin Rajonal në Pejë, mirëpo sipas ekipit mjekësor fëmiu në spital ka arritur pa shenja jete. Njësitet relevante kanë dalë ne vendngjarje dhe pas konsultimit me Prokurorin e shtetit trupi i pajetë i viktimës iu është kthyer familjarëve për ceremoni mortore dhe rasti cilësohet Hetim i vdekjes”, tha Rugova. /teve1.info/
