Përfaqësuesi i familjeve të të zhdukurve të Kosovës, Bajram Qerkini, ka folur për të zhdukurit dhe luftën e Ushtrisë Çlirimtare të Kosovës në “Marshin për Drejtësi” që po mbahet në kryeqytet, raporton teve1.info.
Ai ka thënë se ky tubim i tregon atyre që s’po marrin vesh se liria ka emër.
“Masha’Allah është mirë me dalë para kësaj mase jashtëzakonisht shumë. E keni bërë të bukur Prishtinën, me iu tregu të gjithë atyre të cilët nuk po marrin vesh se liria me të vërtetë e ka një emër”, ka thënë Qerkini.
Qerkini gjatë fjalimit ka përkujtuar 11 mijë viktimat civile si dhe 1 mijë e 133 fëmijët e vrarë nga paralimitarët serbë.
“Familjarë të pagjetur, nuk është lehtë me i gjet disa fjalë që ju kana të gjithëve. Ky popull është hala i fortë, siç jemi edhe ne hala të fortë. Sot po mbushen 24 vjet, në çdo cep të kësaj Kosove më kujtohen masakrat, vrasjet, vuajtjet e juve. Ju jeni ata që na keni shpëtu. Sot përkujtojmë 11 mijë viktima civile, gjatë tmerrit, që dikush e quan luftë por ne kemi parë tmerr, i kemi 1133 fëmijë, të gjithë këta prej kriminelëve, që dikush e quan konflikt e që ka qenë tmerr”, ka thënë ai tutje.
“Kemi luftuar për liri o burra dhe nuk po e gëzojmë”, kanë qenë fjalët përmbyllëse të Qerkinit. /Teve1.info/
