Kjani Guri, vëlla dëshmori dhe luftëtar i lirisë i ka dalur në përkrahje luftës së UÇK-së përmes pjesëmarrjes në “Marshin për Drejtësi”.
Ai i ka dalë kundër atyre që e kanë quajtur UÇK-në “ndërmarrje e përbashkët kriminale”, konkretisht Gjykatës Speciale.
“Liria ka emër. Liria ka emrin e sakrificës, liria ka emrin e martirëve, liria e ka emrin e heronjve tanë. Liria e ka emrin e Ushtrisë Çlirimtare të Kosovës”.
“Jemi bashkë sot këtu për të kërkuar drejtësi. Për ta mbrojtur me këmbëngulje të vërtetën dhe historinë tonë të lavdishme. UÇK nuk ka qenë ndërmarrje e përbashkët kriminale. UÇK janë bijtë dhe bijat tona të kombit të cilët veshën uniformën dhe luftuan për lirinë e atdheut”.
Guri ka shtuar se nuk do të lejohet që drejtësia të instrumentalizohet nga politika.
“Presidenti jonë Hashim Thaçi, Kadri Veseli, Jakup Krasniqi, Rexhep Selimi…nuk janë emra të përveçëm. Sepse në këtë proces ata janë historia jonë dhe historia nuk do të lejojmë të rishkruhet. Drejtësia nuk do të lejojmë të instrumentalizohet nga politka sepse në atë rast pushon së qenuri drejtësi. Asnjë process i montuar nuk do të mund të krijojë balancë artificiale në mes të viktimës dhe agresorit, në mes të luftëtarit tonë të lirisë dhe okupatorit fashist”, ka thënë Guri.
“Andaj ju ftoj të jemi gjithmonë ashtu siç jemi sot”, ka deklaruar ai.
