Qeveria e Kosovës, sot në mbledhjes e saj ka miratuar Projektligjin për ndryshimin dhe plotësimin e Ligjit për Tatimin në Pronën e Paluajtshme, ku ndër pikat e këtij Projektligji përfshihet edhe falja tatimore për vitin 2023.
Për këtë Projektligj, ministri i Financave, Hekuran Murati, ka thënë se tatimpaguesit mund të përfitojnë nga zbritja e faturave të vitit 2023 deri në shumën prej 100 euro, apo sa lartësia e faturës, raporton teve1.info.
Tutje, ministri ka bërë të ditur se Projektligji parasheh lirimin tatimor për banim primar dhe tokën bujqësore, kufizim të përllogaritjes së interesit që të mos tejkalojë vlerën e detyrimit tatimor.
Gjithashtu, sipas Muratit, Projektligji parasheh edhe zbritje të shkallës së poshtme tatimore për vitin 2024 dhe fillimin e aplikimit të tatimit progresiv nga viti 2025.
Ai ka thënë se këto masa lehtësojnë barrën e qytetarëve, por edhe sigurojnë menaxhim më efikas të tatimit në pronë.
“Uroj që edhe Kuvendi i Republikës ta trajtojë sa më shpejt në të dyja leximet, në mënyrë që tatimpaguesit të përfitojnë nga zbritja tatimore”, ka shkruar ministri në Facebook.
https://teve1.info/lajmet/qeveria-miraton-projektligjin-per-tatimet-perfshin-faljen-e-tatimit-ne-prone/
