Në praninë e gjyqtarëve dhe familjes së tij, Humza Yousaf u betua si kryeministër i Skocisë.
Ligjvënësit në parlamentin e Edinburgut votuan 37-vjeçarin me origjinë nga Pakistani duke e bërë atë liderin e parë me ngjyrë në krye të qeverisë skoceze dhe udhëheqësin e parë kombëtar mysliman në çdo demokraci perëndimore.
Yousaf pas marrjes së postit premtoi se do të punoj për të fituar respektin dhe besimin e secilit qytetar atje.
E në vendlindjen e tij, mu tek shtëpia me tulla e gjyshërve të Yousaf, të afërmit rrëfejnë për krenarinë dhe gëzimin që ndjejnë për përzgjedhjen e tij si lider i Skocisë.
“Nga këtu, familja Yousaf emigruan në Mbretërinë e Bashkuar. Kur njerëzit përreth dëgjuan se ai u bë ministri i parë i Skocisë, ata filluan të më vizitojnë dhe të më urojnë pasi jam më i afërti i tij. Ne jemi të gjithë krenarë për të. Unë, familja ime dhe i gjithë Pakistani jemi krenarë për të. Myslimanë ka në të gjithë botën dhe ai do të punojë për të gjithë ata dhe sigurisht edhe për Pakistanin”, tha Manzoor Hussain – i afërm i Yusafit
Ndërsa , Rafiq Khattak- mik i babait të Yousafit tha “E takova atë 10 vjet më parë, ai ishte një fëmijë shumë i sjellshëm. Sot mora lajmin se ai është bërë kryeministër dhe jam shumë i lumtur”.
Yousaf mposhti rivalen Kate Forbes pas një gare të ngushtë pesë-javore që ekspozoi thyerje të thella brenda Partisë Kombëtare Skoceze pro-pavarësisë.
Skocia, një vend me 5.5 milionë banorë, është pjesë e Mbretërisë së Bashkuar, por ka një qeveri gjysmë autonome me pushtet të gjerë në disa fusha duke përfshirë shëndetin dhe arsimin.
Ky moment historik vjen pesë muaj pasi Mbretëria e Bashkuar u bë me kryeministrin e parë indian Rishi Sunak./Tëvë1/
