Dushan Janjiq, themelues i Forumit për Marrëdhënie Etnike në Beograd thotë se fakti që Lista Serbe nuk do të marrë pjesë në zgjedhjet në veri të Kosovës më 23 prill nuk është shkelje e Marrëveshjes për rrugën e normalizimit të marrëdhënieve ndërmjet Kosovës dhe Serbisë.
Lista Serbe nuk ka aplikuar për të marrë pjesë në zgjedhje në katër komuna në veri, ku jeton popullata me shumicë serbe, në Mitrovicën e Veriut, Zubin Potok, Leposaviq dhe Zveçan. Deputetët e Parlamentit Evropian, raportuesja për Kosovën Viola von Cramon dhe eurodeputeti holandez Thijs Reuten, e konsiderojnë shkelje të marrëveshjeve të arritura së fundmi në Bruksel dhe Ohër.
Janjiq thekson se kjo është përgjigja e Listës Serbe dhe e Beogradit për faktin se nuk është plotësuar kushti për kthimin e serbëve në institucione, krijimi i Asociacionit.
Au shton se nëse tani Lista Serbe, e lidhur me qeverinë në Beograd, shkon në zgjedhje, do të jetë kolaps i Vuçiqit në planin e brendshëm dhe një volant për opozitën që është kundër marrëveshjes.
“Nëse mbahen këto zgjedhje [pa Listën Serbe], është reale të pritet rindërtimi i barrikadave”, ka thënë Janjiq për Danas, transmeton teve1.info.
