Shefi i asamblistëve të AAK-së në Komunën e Pishtinës, Bahri Gashi tha se tha se ka një ngecje të madhe në kryeqytet dhe nuk ka projekte serioze nën qeverisjen e Përparim Ramës, por vetëm siç theksoi ai fasada dhe prova.
“Ishte kënaqësi të vizitojmë, sot, Parlamentin e Kosovës e të takojmë Grupin Parlamentar të AAK-së, ku diskutuam për zhvillimet politike, me theks në kryeqytet. Në këta 16 muajt e udhëheqjes së Përparim Ramës është një ngecje totale e madhe në Komunën e Prishtinës. Nuk ka projekte serioze, por ka vetëm fasadë dhe prova të vogla, siç është rasti i bllokimit të sheshit “Xhorxh Bush”, i cili ka paralizuar qytetin e Prishtinës”, ka thënë Gashi.
Ai poashtu ka thënë se në gjashtëmujorin e fundit kryeqyteti ka një problem të madh me mbeturinat, ndërkaq po që ka protesta dhe greva e punëtorëve të kompanisë “Pastrimi”. Sipas Gashit ata me të drejtë po kërkojnë rritjen e pagave dhe përmirësimin e kushteve të punës, ngase edhe sot vazhdojnë të heqin mbeturinat me lopata në mungesë të mjeteve të punës.
“Ndërkaq, sa i përket infrastrukturës rrugore, e cila në pjesë të vogla rregullohet, por e shumta nuk është prekur deri më sot. Kështu, deri më 15 mars, Komuna e Prishtinës ka realizuar vetëm 1.6 milion euro kontrata. Pra, i ka diku 9 kontrata të nënshkruara me vlerë 1.6 milionë, që i bie 1% e totalit të buxhetit të komunës”, ka shtuar Gashi.
Në fund asamblisti i AAK-së tha se nga viti i kaluar janë bartur mjete prej 51 milionë euro, e që sipas tij, kjo tregon se ka një paaftësi menaxhuese të parasë publike.
“Dhe, kështu do të vazhdohet me këtë ritëm të kontratave. Nuk shihet se ka ndonjë projekt madhor siç janë nënkalimet. Kryetari i Prishtinës po vazhdon me metodën e vjetër duke mos vepruar, por duke mbajtur konferenca dhe duke u marr me rrjete sociale”, ka përfunduar Gashi.
