Kryetari i Këshillit Gjyqësor të Kosovës, Albert Zogaj, dhe kryetari i Prishtinës, Përparim Rama kanë nënshkruar Memorandum Mirëkuptimi në lidhje me thirrjet elektronike të dërguara nga gjykata themelore në Komunën e Prishtinës.
Kryesuesi i KGJK-së, Albert Zogaj tha se kjo praktikë duhet të zbatohet edhe me institucionet tjera.
Ndërsa theksoi se e njëjta ndihmon që sistemi te jetë proporcional qe çështjet të barten edhe në gjykatat ku ka pak ngarkesë.
E kryetari i Prishtinës, Përparim Rama u shpreh se ky memorandum lehtëson procedurat në mes këtyre dy institucioneve duke marrë njoftimet nga gjykatat me kohë për seancat ku palë është edhe Komuna e Prishtinës.
Gjatë nënshkrimit të këtij memorandumi të bashkëpunimit të pranishëm ishin edhe përfaqësues nga Zyra e Këshillit të Evropës ne Kosovë por edhe zyra e BE-së.
