Kryeministri i Malit të Zi, Dritan Abazoviq, ka thënë se propozimi evropian paraqet një zgjidhje të mirë dhe fitimprurëse për Kosovën dhe Serbinë.
Madje ai u shpreh i gatshëm që Mali i Zi të jetë nikoqir i radhës i bisedimeve mes Kosovës dhe Serbisë.
Sipas tij, kjo ofertë vjen për shkak të raporteve të mira me liderët e të dyja vendeve.
“Personalisht, do të doja të zgjeroja ofertën time, nëse ka ndonjë raund të ri bisedimesh mes Kosovës dhe Serbisë, për t’i pritur në Mal të Zi.Ne nuk jemi pjesë e dialogut, por personalisht besoj se propozimi evropian paraqet një zgjidhje të mirë që është fitimprurëse edhe për Serbinë edhe për Kosovën. Kjo është rruga që rajoni duhet të ndjekë. Rruga e normalizimit është ajo e duhura për rajonin si hap i parë dhe në fund, pasi të plotësohen të gjitha kriteret, anëtarësimi në Bashkimin Evropian si synimi final për të gjithë rajonin.Ne jemi të përgatitur të kontribuojmë dhe mbështesim procesin e normalizimit të marrëdhënieve ndërmjet Serbisë dhe Kosovës”, tha ai në një intervistë për “The Pavlovic Today”.
Ndryshe takimi i fundit mbi dialogun Kosovë – Serbi, mes kryeministrit Kurti dhe presidentit serb Vuçiq u mbajt në Ohër të Maqedonisë së Veriut./teve1.info./
