Kryeministri i Kosovës, Albin Kurti, ka mbërritur në Presidencë të Shqipërisë, i shoqëruar nga një delegacion.
Kurti është pritur në hyrje nga presidenti i Shqipërisë, Bajram Begaj, ku parashikohet të kalojë rreth 30 minuta me kreun e shtetit për të shkuar më pas në kryesinë e Kuvendit, ku do të takohet me Lindita Nikollën.
Kurti më pas pritet të takohet me kryeministrin Edi Rama, sipas abcnews.albania, nuk është një takim zyre por një drekë pune tek vila qeveritare afër kryeministrisë.
Pas drekës me Ramën, Kurti do të ketë një takim edhe me kryetarin e Partisë së Lirisë, Ilir Meta.
Sipas informacioneve, në fokus të diskutimeve do të jetë marrëveshja e pafirmosur në Ohër mes Kosovës dhe Serbisë. Kurti ka për qëllim që të informojë politikanët shqiptarë për atë që është dakordësuar në Ohër me Serbinë në takimin disa orësh që u mbajt me 18 Mars.
