Kryetari i LDK-së, Lumir Abdixhiku në Kuvend ka kritikuar kryeministrin Albin Kurti, për siç tha ai, ndryshimin e qëndrimeve dhe pozicionin e tij në raport me dialogun Kosovë – Serbi.
Madje i pari i LDK-së, tha se gjashtë kushtet e kryeministrit rreth formimit të Asociacionit u zhbënë fillimisht në marrëveshjen e 27 shkurtit dhe përfundimisht në aneks marrëveshjen e Ohrit.
Teksa theksoi se njëri prej kushteve të Kurtit të thëna në Kuvend ka qenë se “Asociacioni është pjesë e marrëveshjes finale dhe zbatohet pas njohjes reciproke”.
“Për këto qëndrime, pozicionin ndryshues të Albin Kurtit, unë ndjej sinqerisht vetëm keqardhje, çfarë fati i trishtueshëm politik. Ndjej keqardhje për të gjithë të mashtruarit, për të shfrytëzuarit, e mbi të gjitha ndjej keqardhje për humbjen e kohës së Republikës së Kosovës”, tha ai.
Sipas Abdixhikut, dy marrëveshjet të cilat ai i quajti si produkt i Kurtit tashmë janë bërë kritere evropiane për Kosovën dhe Serbinë, pa marrë parasyshë se çfarë mendon apo bën Kosova.
“Dy marrëveshjet produkt i Kurtit, të ridizajnuara nga ai janë bërë kritere evropiane për Kosovën dhe Serbinë natyrisht tani më nuk ka rëndësi se çfarë mendon e bën Kosova, por nëse dojm anëtarësim në Bashkimin Evropian, ajo duhet ta përshatatë veten më këto kritere qoftë me Kurtin në Qeveri apo me këndo tjetër”, tha ai./teve1.info./
