Disa nxënës janë përfshirë në një përleshje në shkollën e mesme ‘Adem Gllavica’ në Lipjan.
Në rastin që ka ndodhur pasditen e djeshme në përleshje janë përdorur edhe thika.
Policia ka bërë të ditur se njëri prej të përfshirëve ka pësuar lëndime dhe është dërguar për trajtim mjekësor.
Kurse një tjetër është arrestuar dhe pas intervistimit është dërguar në mbajtje.
“Një mashkull kosovar (i mitur) ka pësuar lëndime trupore pasi është goditur me thikë gjatë një përleshje që ka ndodhur midis disa personave. Viktima është dërguar për trajtim mjekësor. Lidhur me rastin janë intervistuar disa persona. Në konsultim me prokurorin një i dyshuar kosovar (i mitur) është arrestuar dhe pas intervistimit është dërguar në mbajtje”, thuhet në njoftimin e policisë.
