Anton Nrecaj, jurist, thotë se është një pjesë e raportit të Departamentit të Shtetit për Kosovën që veçanërisht duhet të trajtohet me prioritet.
Sipas Nrecajt institucionet e inteligjencës duhet të jenë në gatishmëri pasi që përmendet se Kosova nuk mund të jetë imune nga sulme terroriste.
“Është edhe një gjë tjetër që thuhet e që nuk duhet harruar që ky është një sinjal që t’i vë në funksion edhe Institucionet e Inteligjencës sepse thuhet në raport në aspektin e sulmeve terroriste në regjion, edhe Kosova nuk mund të jetë imun ndaj këtyre sulmeve edhe potencialisht mund të jetë vend ku mund të ketë ndonjë sulm terrorist nga organizatat që mendohen se janë në listat e organizatave terroriste dhe kanë qëllime politike e që mund ta destabilizojnë vendin dhe mund natyrisht të reflektojë edhe në rrugëtimin e Kosovës drejt BE-së”, ka thënë Nrecaj në Info Nata në Tëvë 1.
