Politologu, Dritëro Arifi vlerëson se dakordimi mes Kosovës dhe Serbisë për Planin Evropian dhe aneksin e zbatimit të saj është marrëveshje obligative, ligjërisht e detyrueshme, edhe pse mungojnë nënshkrimet.
Sipas Arifit, marrëveshjen e bën të tillë procesverbali i saj që tashmë është i publikuar.
“Ne në Ohër kemi marrëveshje ndërkombëtare shprehimisht, e cila edhe pse nuk është nënshkruar nuk i humb absolutisht vlera juridike dhe detyruese. Neni 3 i Konventës së Vjenës për të drejtën e traktateve, nëse presidenti, kryeministri apo Ministri i Jashtëm nëse publikisht fol apo premton diçka dhe ka procesverbal, ajo marrëveshje është ndërkombëtare, ligjërisht e obligueshme për të dyja palët”, ka thënë Arifi.
“Mos të harrojmë, Bashkimi Evropian jam i bindur që kanë pasë procvesverbal sepse ai është publikuar në uebasjtin e Komisionit Evropian për Politikë të Jashtme. Rjedhimisht i bie që është marrëveshje obligative edhe për Kosovën edhe për Serbinë, pikë”, shtoi Arifi.
Sipas Arifit, presidenti serb Vuçiq në natën e dakordimit, pra më 18 mars, shkeli 4 nene të marrëveshjes e sidomos në mënyrë flagrante, nenin 5.
“Realisht marrëveshja për fat të keq është shkelur që atë natë. Pra kryeministri është vonuar në këtë çështje, por mirë që e ngriti sepse realisht po atë natë z. Vuçiq gjatë gjithë konferencës për shtyp në Ohër pra më 18 mars e ka shkel preambulën e marrëveshjes të Planit Evropian, nenin 1, nenin 2, nenin 3 dhe në mënyrë flagrante e ka shkel nenin 4. Sepse në nenin 4 thuhet që Serbia nuk do ta pengojë Kosovën që të anëtarësohet në organizata ndërkombëtare. Që i bie, në të gjitha. Presidenti Vuçiq e ka bë me vetdije sepse kjo është shkelje e asaj që është shpreh në takim. Tash BE-ja e ka të vështirë ta obligojë Serbinë. Kjo i bie që po atë ditë Qeveria e Kosovës është dashtë me reagu, por më mirë vonë se kurrë”, ka deklaruar Arifi në Këndin e Debatit në Tëvë 1.
