Përmes njoftimit, Gjykata ka bërë të ditur se ekziston dyshimi i bazuar se pasditen e së premtes në fshatin Harilaq me automjetin e tij, nga pakujdesia ka goditur për vdekje të ndjerin E.N.A., i cili po kalonte rrugën.
“Ekziston dyshimi i bazuar se me datë 11.03.2022, rreth orës 17:25, në rrugën Sllatinë –Magur në fshatin Harilaq, i pandehuri V.B, duke drejtuar automjetin e tij, nga pakujdesia ka rrezikuar pjesëmarrësit në komunikacion dhe ka vu në rrezik jetën e njerëzve, ashtu që duke mos e përshtatur shpejtësinë e lëvizjes së mjetit me kushtet dhe fushëpamjen e rrugës dhe duke mos pasur kujdes ndaj këmbësorëve në rrugë, e godet këmbësorin tani të ndjerin E.N.A, i cili ka qenë duke e kaluar rrugën me ç’rast ka shkaktuar aksident komunikacioni me fatalitet ku këmbësori E.N.A si pasojë e këtij aksidenti, ndërron jetë”, thuhet ndër tjerash në njoftim.
Tutje, Gjykata ka njoftuar se kundër këtij aktvendimi, palët anë të drejtë ankese në Gjykatën e Apelit të Kosovës./teve1.info/
