Presidenti i Serbisë, Aleksandër Vuçiq i është përgjigjur pyetjeve të gazetarëve lidhur me atë se a do t’i zbatojë marrëveshjet me Kosovën, edhe pse në to nuk ka vendosur firmën.
Vuçiq tha se ai nuk bën truqe dhe diçka është ligjërisht e detyrueshme për Serbinë, edhe kur ai pajtohet verbalisht.
“Ky është mesazhi im për ata që folën për këtë. Ndryshe nga të gjithë ata, ne kurrë nuk përdorim hile. Çfarë thashë në Kuvendin Popullor të Republikës së Serbisë, çfarë u thashë atyre në Ohër, atyre në Bruksel dhe ndaj pesë atyre në Beograd, e përsëris çdo ditë dhe qëndrimi im nuk ka ndryshuar për asnjë pikë para askujt”, tha Vuçiq në një konferencë për shtyp me ministrin e Jashtëm italian Antonio Tajani me rastin e Forumit për Bashkëpunim Biznesor dhe Shkencor ndërmjet Serbisë dhe Italisë, shkruan tanjug, përcjell teve1.info.
Duke iu përgjigjur pyetjeve të gazetarëve nëse Beogradi do ta zbatojë atë që është rënë dakord në takimin e Ohrit për normalizimin e marrëdhënieve Kosovë-Serbi, Vuçiq tha se diçka që ai vendos nënshkrimin apo vulën e tij, apo edhe kur pajtohet verbalisht, është ligjërisht e detyrueshme për Serbinë.
