Ministri i Financave, Punës dhe Transfereve, Hrkuran Murati ka deklaruar se Kosova nuk ka mundur të merrte pjesë në Konferencën e Donatorëve në Bruksel, për t’i ofruar ndihmë njerëzve të prekur nga tërmeti në Turqi dhe Siri.
Kjo për shkak se sipas tij organizatori, pra Brukseli, insistonte që Kosova të merrte pjesë në këtë konferencë e paraqitur me fusnotë.
E kjo sipas Muratit është në kundërshtim me marrëveshjen e arritur në Bruksel.
“U nevojit ndërrimi i tre aeroplanëve për të arritur sot në Bruksel për të marrë pjesë në konferencën e donatorëve në mbështetje të njerëzve të Turqisë dhe Sirisë të prekur nga tërmetet shkatërruese. Qeveria e Kosovës dëshiron të zotohet për mbështetje financiare dhe të jetë pjesë e të gjitha përpjekjeve ndërkombëtare për të ndihmuar”, ka shkruar Murati në Tëitter.
“Fatkeqësisht, vendi im nuk mundi të merrte pjesë dhe të kontribuonte për shkak të trajtimit jokorrekt dhe diskriminues nga organizatori, i cili këmbënguli në përdorimin e asteriskut në kundërshtim me letrën e marrëveshjes fillestare të Brukselit dhe frymën e konferencës së sotme”, ka shkruar tutje ai.
It took changing three airplanes to make it to Brussels today to participate in the donor conference in support of people of 🇹🇷 and 🇸🇾 affected by the devastating earthquakes. The government of Kosova wants to pledge financial support and be part of all intl. efforts to help.
— Hekuran Murati (@HekuranMurati) March 20, 2023
