Kryetari i Partisë Socialdemokrate (PSD), Dardan Molliqaj, ka thënë se Marrëveshja e mbrëmshme e dakorduar ndërmjet Kurtit dhe Vuçiqit në Ohër, është e dëmshme për Kosovën.
Në një konferencë për medie, të thirrur të dielën, Molliqaj tha se Kurti nuk ka mandat për këtë marrëveshje.
“Mashtrimi është i madh dhe i rrezikshëm për demokracinë dhe qytetarinë”, tha Molliqaj.
“Prandaj të gjithë që jeni kundër marrëveshjes dhe kundër mashtrimit ju ftojmë në protestë, të shtunën në ora 14:00 në sheshin ‘Zahir Pajaziti’”, ka ftuar kreu i PSD-së.
Në këtë protestë do të kërkohet edhe dorëheqja e kryeministrit Albin Kurti.
