Janë arrestuar dy persona nga Policia e Kosovës, pasi që të njëjtit dyshohet se janë përfshirë në vrasjen që ka ndodhur dje në rrugën “Ahmet Krasniqi” në Prishtinë, ku mbeti i vdekur një person.
Sipas Policisë, personat e arrestuar janë viktimat që mbetën të lënduar dje, e që dyshohet që plagët e tyre janë shkaktuar me mjetë të mprehtë, raporton teve1.info.
Për dy të dyshuarit, me vendim të prokurorit të shtetit i është caktuar masa e ndalimit për 48 orë.
Sipas njoftimit të PK-së, njëri nga personat e lënduar pas trajtimit të nevojshëm mjekësor dhe intervistimit është dërguar në qendër të mbajtjes.
Ndërsa, i dyshuari tjetër, është nën masën e ndalimit, por që i njëjti është ende duke u trajtuar në QKUK.
Në vendin e ngjarjes Policia ka gjetur dhe sekuestruar një armë zjarri dhe një thikë, të cilat dyshohet se janë përdorur në rast.
