Gjatë 24 orëve të fundit në komunën e Gjakovës janë raportuar katër raste të ndryshme të kërcënimeve, raporton teve1.info
Sipas raportit të Policisë së Kosovës rasti i parë ka ndodhur në rrugën Bardhyl Qaushi, ku një femër ka raportuar se është kërcënuar verbalist nga një mashkull. Rasti ka filluar të hetohet.
“Rr. Bardhyl Qaushi, Gjakovë 16.03.2023 – 10:00. Ankuesja femër kosovare ka raportuar se është kanosur verbalisht nga i dyshuari mashkull kosovar. Rasti është duke u hetuar”, thuhet në komunikatë.
Ndërkohë një rast tjetër i kërcënimit ka ndodhur në rrugën Saranda, ku një mashkull ka raportuar se është kërcënuar nga një mashkull tjetër, i cili me urdhër të prokurorit është dërguar në mbajtje.
“Rr. Saranda, Gjakovë 16.03.2023 – 15:00. Ankuesi mashkull kosovar ka raportuar se pas një mosmarrëveshje, është kanosur nga i dyshuari mashkull kosovar i cili është arrestuar dhe me vendim të prokurorit është dërguar në mbajtje”, thuhet në njoftimin policor.
Në fshatin Damjan të Gjakovës është raportuar kërcënimi tjetër ku një qytetar mashkull dyshohet se e ka kërcënuar një mashkull tjetër, derisa tek i njëjtë policia ka konfiskuar një thikë kurse i dyshuari është dërguar në mbajtje.
“Fsh. Damjan, Gjakovë 16.03.2023 – 07:50. Pas një mosmarrëveshje i dyshuari mashkull kosovar e ka kanosur viktimën mashkull kosovar. Lidhur me rastin është konfiskuar si provë materiale një thikë, po ashtu palët e përfshira në rast janë intervistuar dhe me vendim të prokurorit, i dyshuari është arrestuar dhe dërguar në mbajtje”, thuhet në njoftimin e Policisë.
Në po të njëjtin fshat, sipas raportit 24-orësh të Policisë, është arrestuar një mashkull me dyshimin se e ka kërcënuar viktimën femër. Nga i dyshuari janë konfiskuara dy pistoleta dhe 30 fishekë. I dyshuari është dërguar në mbajtje.
“Fsh. Damjan, Gjakovë 16.03.2023 – 18:15. Është arrestuar i dyshuari mashkull kosovar, pasi që ka kanosur viktimën mashkull kosovar. Nga i dyshuari janë konfiskuar dy pistoleta dhe 30 fishekë. Me vendim të prokurorit, i dyshuari është dërguar në mbajtje”, thuhet në komunikatë.
