Për këtë qëllim, miliona euro ka paguar Fondi për Sigurime Shëndetësore (FSSh), ku vetëm vitin e kaluar janë mbështetur 1 mijë e 124 pacientë.
Në një përgjigje me shkrim për emisionin “De Jure”, zyrtarët e këtij Fondi kanë njoftuar se prej 1 mijë e 124 rasteve, 451 aplikacione janë evidentuar si të rregullta dhe 673 raste urgjente si dhe janë shpenzuar 9 milionë e 400 mijë e 993 euro e 8 centë.
Zyrtarët e FSSh-së kanë bërë të ditur se në kuadër të programit “Trajtim Mjekësor Jashtë Institucioneve Shëndetësore Publike”, në këtë fillimvit kanë pranuar 157 raste për mbështetje financiare, prej tyre 86 janë raste urgjente, që nënkupton se kanë marrë trajtim të menjëhershëm dhe 69 janë raste të rregullta, në pritje për të marrë trajtimin e tyre siç është përcaktuar me Udhëzimin Administrativ.
Sipas të dhënave të Fondit për Sigurime Shëndetësore, klinikat të cilat referojnë më së shumti pacientë për TMJIShP janë: Ortopedia, Pediatria, Oftalmologjia, Hematologjia, Neurokirurgjia dhe Urologjia.
Ndërsa, sa i përket sëmundjeve që kërkojnë ndihmë financiare për shërim jashtë vendit, më të shpeshta janë: sëmundjet malinje si leukemia, sëmundjet e kardiokirurgjisë së fëmijëve dhe rastet ortopedike.
Për më shumë, ndiqeni hulumtimin e emisionit “De Jure” me titull “Jeta në dializë”, i cili transmetohet në “Tëvë1” dhe “Betimi për Drejtësi./Tëvë1/