Policia ka arrestuar dy persona nën dyshimin se kanë kryer veprën penale ‘Falsifikim i parasë’.
Të njëjtit përderisa ishin duke lëvizuar me veturë në rrugën Prizren-Vërmicë, janë ndalur nga policia dhe janë kontrolluar.
Atyre u janë gjetur 1704 euro të cilat dyshohet të jenë të falsifikuara.
Përveç parave, policia ka gjetur dhe sekuestruar edhe katër telefona mobil.
“Me urdhër të prokurorit janë kontrolluar dy shtëpi, pronë e të dyshuarve: B.D. dhe T.K., të njëjtit janë intervistuar në prezencë të avokatëve mbrojtës” thuhet në njoftimin e policisë.
Me vendim të prokurorit të njëjtëve u janë caktuar 48 orë paraburgim.
