Kryeministri i Kosovës, Albin Kurti ka pranuar draftin e Projektligjit për Fondin Sovran.
“Grupi i ekspertëve, i udhëhequr nga koordinatorja znj.Rrezarta Pllana, informoi Kryeministrin Kurti lidhur me punën intensive në hartimin e projektligjit, përfshirë këtu takimin me përfaqësuesit e fondeve investive nga Greqia e Sllovakia”, thuhet në njoftimin e Zyrës së Kryeministrit.
Po ashtu ky draft është publikuar edhe online.
“Projektligji për Fondin Sovran të Republikës së Kosovës, është publikuar sot në platformën e konsultimeve, i qasshëm për lexim dhe komentim të publikut dhe palëve të interesuara”, njofton tutje komunikata.
Fondi Sovran do të administrojë ndërmarrje e asete të Republikës me potencial zhvillimor, duke përmirësuar qeverisjen dhe duke rritur vlerën e tyre, me synim zhvillimin e vendit dhe mirëqenien e qytetarëve.