Kuvendi i Kosovës gjatë kësaj jave nuk do të mbajë seancë plenare. Kjo për faktin se dy delegacione të deputetëve të Kosovës janë në vizita zyrtare jashtë vendit.
Këtë e ka bërë të ditur shefja e grupit parlamentar të VV-së, Mimoza Kusari-Lila pas mbledhjes së Kryesisë së Kuvendit të hënën.
Ajo ka bërë të ditur se një delegacion tashmë ka udhëtuar për në Tajlandë ku do të marrë pjesë në forumin për demokraci ku marrin pjesë të gjitha vendet e rajonit.
Ndërsa më 15-16 mars ajo ka bërë të ditur se do të mbahet takimi i rregullt vjetor i Komisionit për Stabilizim Asocim i Kuvendit të Kosovës dhe ati të Parlamentit Evropian./teve1.info/
